Croeso i Dechrau’n Deg Caerdydd
Yn darpau help ychwangenol i gael plant i ddechrau gorau mewn bywyd.
Dilynwch ni ar Facebook
A ydych yn gymwys?
Oes gennych chi blentyn rhwng 0 a 3 blwydd ac 11 mis oed ac yn byw yng Nghaerdydd?
Rhowch eich cod post i wirio a ydych yn gymwys ar gyfer Dechrau’n Deg Caerdydd ac i gael gwybod pa wasanaethau Dechrau’n Deg y gallwch eu defnyddio.
Dathlu 20 mlynedd o Ddechrau’n Deg
Mae Dechrau’n Deg Caerdydd yn dathlu 20 mlynedd o gefnogi plant a theuluoedd yn 2026.
Rydym wedi helpu miloedd o deuluoedd ar draws cymunedau i gael cymorth hanfodol. Er enghraifft:
- Gofal plant
- Cymorth rhianta
- Gwasanaethau Iechyd
- Cymorth gyda’r blynyddoedd cynnar
Yn ystod y camau pwysicaf o ddysgu a datblygiad plentyn, ein nod yw:
- rhoi’r dechrau gorau posibl iddynt, a
- helpu eu rhieni neu ofalwyr i deimlo eu bod yn cael eu cefnogi wrth iddynt ymdopi â bod yn rhiant.
Ers ein lansio gan Lywodraeth Cymru yn 2006, rydym wedi tyfu ac esblygu i ddiwallu anghenion newidiol teuluoedd heddiw.
Cefnogi teuluoedd
Mae ein gwasanaethau yn parhau i ddarparu:
- Cyfleoedd gofal plant o ansawdd uchel
- Gwasanaethau ymroddedig i blant ag anghenion dysgu ychwanegol
- Cymorth rhianta 1 i 1 a grŵp, a chymorth rhianta gartref
- Amrywiaeth o wasanaethau iechyd
- Lleoliadau a sesiynau chwarae
- Cymorth lleferydd, iaith a chyfathrebu
- Help i rieni i reoli perthnasoedd, emosiynau ac ymddygiad
Cysylltwch
Dysgwch fwy am y ffordd y gallwn eich cefnogi chi neu cysylltwch â ni heddiw.
Edrych yn ôl ac edrych ymlaen
Mae ein pen-blwydd yn 20 oed yn gyfle i fyfyrio ar yr effaith gadarnhaol y mae’r rhaglen wedi’i chael ar deuluoedd Caerdydd.
Wrth ddathlu, rydym yn parhau i ganolbwyntio ar y dyfodol, gan barhau i addasu a datblygu gwasanaethau fel y gall teuluoedd gael gafael ar y cymorth iawn, ar yr adeg iawn.
“Mae Dechrau’n Deg yn fenter mor hyfryd. Mae wedi helpu fy nheulu mewn cymaint o ffyrdd gan ei fod wedi darparu sesiynau hwyliog lle gallai ein plant fynd a lle gallem ni gysylltu â rhieni eraill. Roedd fy mab yn arfer bod mor swil ond dros amser, ac wrth fynd i aros a chwarae Dechrau’n Deg, mae wedi magu hyder a dechrau chwarae’n annibynnol. Diolch o galon Dechrau’n Deg.”
“Pan ddes i i Gymru doedd gen i neb yma. Dim ond fi a fy mhlentyn. Weithiau does dim angen arian arnoch chi, does dim angen unrhyw beth arnoch chi, dim ond rhywun i ofyn, “Sut wyt ti?” dyna’r prif gwestiwn, dwi’n meddwl. Dyna wnaeth Dechrau’n Deg. Fe wnaethon nhw ei gwneud hi’n gyfforddus i fi gysylltu â nhw am unrhyw beth – boed yn gyngor am fy mhlentyn, neu os oeddwn i’n cael diwrnod anodd trwy fod yn rhiant sengl. Roedd yn gyfforddus i fi fynd atyn nhw yn aros a chwarae. Rwy’n gwybod bod yna bobl y galla i estyn allan atyn nhw, sy’n gallu helpu, oherwydd doeddwn i erioed wedi cael plentyn, a hwn oedd fy nhro cyntaf yn y wlad hon. Diolch”
Beth rydyn ni’n ei wneud yn Dechrau’n Deg Caerdydd
Y gwasanaethau a gynigiwn yn Dechrau’n Deg
Gwasanaeth Ymweliadau Iechyd Estynedig
Nod Gwasanaeth Iechyd Dechrau’n Deg yw eich cefnogi chi gyda rhianta a rhoi unrhyw gymorth a chyngor a fydd eu hangen arnoch chi o bosibl, o’r cyfnod cynenedigol trwodd i 3 blwydd a 11 mis.
Gellir darparu cymorth a chefnogaeth ar ystod o faterion a allai effeithio arnoch chi a’ch teulu. Mae’r rhain yn cynnwys gofalu am eich babi newydd, bwydo, diddyfnu, arferion cysgu, hyfforddi i ddefnyddio’r poti a materion ymddygiad. Hefyd gallwn ni eich cyfeirio neu eich atgyfeirio at asiantaethau eraill o fewn Dechrau’n Deg ac y tu allan iddo os bydd angen.
Mae tîm Iechyd Dechrau’n Deg Caerdydd yn cynnwys
- Gwasanaeth Ymwelwyr Iechyd
- Gwasanaeth Gweinyddesau Meithrin
- Tîm Therapi Lleferydd ac Iaith
- Gwasanaethau Dieteteg
- Arbenigwyr Cymorth Bwydo ar y fron
Darganfod myw ar gwasanaeth iechyd.
Cyrchu Rhaglenni Rhianta
Llongyfarchiadau ar ddod yn rhiant!.
Yn Dechrau’n Deg Caerdydd rydym yn gwerthfawrogi rhieni, gofalwyr a theuluoedd ehangach fel addysgwyr cymaint a phwysicaf plant. Mae hyn wrth wraidd yr holl wasanaethau rydym yn eu darparu.
Mae Rhianta Caerdydd 0-18 a Rhianta Dechrau’n Deg ill dau yn rhan o Wasanaethau Rhianta Caerdydd. Cymaint â mae bod yn riant yn gallu rhoi llawenydd a hapusrwydd i chi, gall fod yn heriol hefyd ar brydiau. Nod Gwasanaethau Rhianta Caerdydd yw gweithio mewn partneriaeth â theuluoedd sy’n byw yng Nghaerdydd i wella hyder a sgiliau rhianta, cryfhau perthnasoedd a meithrin llesiant a gwydnwch.
Gallwn weithio gyda chi yn unigol neu mewn sesiynau grŵp i ddarparu cymorth rhiant sy’n:
- Cynyddu eich hyder fel rhiant, ac yn eich helpu i deimlo y gallwch ymdopi’n well mewn sefyllfaoedd sy’n achosi straen
- Adeiladu ar eich hunanreoleiddio eich hun (sut rydych chi’n nodi ac yn rheoli eich teimladau eich hun) a sgiliau rhianta cadarnhaol i hyrwyddo datblygiad eich plant. Mae hyn yn cynnwys sut maen nhw’n rheoli eu hemosiynau (hunanreoleiddio), chwarae gydag eraill a sut maen nhw’n teimlo amdanyn nhw eu hunain (hunan-barch), gan wneud ymddygiad yn haws i’w ddeall a’i reoli.
- Gwella’r berthynas a’r amser rydych chi’n eu mwynhau gyda’ch gilydd, yn chwarae gyda’ch plant
- Gwella cyfathrebu a pherthnasoedd rhwng rhieni
- Cryfhau eich dealltwriaeth o bwysigrwydd chwarae a rôl bwysig rhieni ar gyfer datblygiad plant. Mae hyn yn eich helpu i ymateb i anghenion eich plant i hyrwyddo eu dysgu, eu datblygiad a’u lles
Yn Dechrau’n Deg Caerdydd, mae ein timau Rhianta yn darparu amrywiaeth o wasanaethau i deuluoedd, y gall rhieni a phlant eu mwynhau gyda’i gilydd neu y gall rhieni fynychu tra bod plant yn derbyn gofal yn ein crèche. Rydym hefyd yn darparu gwasanaethau i rieni unigol yn y cartref. Ar hyn o bryd, rydym yn cynnig:
- Mae Eich Babi’n Anhygoel
- Aros a Chwarae
- Siaradwyr Bach, Fforwyr Bach
- GroBrain
- GroBrain i Blant Bach
- Rhaglen Datblygu Rhieni
- Chwarae Plant
- Gwasanaeth a arweinir gan seicolegwyr Rhieni a Mwy
Trwy rianta’n gadarnhaol a meithrin perthnasoedd ystyrlon, gall rhieni helpu i fagu plant iach, datblygu cartref sy’n fwy digynnwrf a heddychlon, gyda llai o ddadleuon a gwrthdaro. Dywed ymchwil wrthym ni fod plant sy’n tyfu i fyny gyda rhianta cadarnhaol yn fwy tebygol o:
- Wneud yn well yn yr ysgol
- Cael gwell perthnasoedd gydag aelodau o’r teulu a ffrindiau
- Bod â mwy o hunan-barch a hyder
- Bod â llai o broblemau ymddygiadol
- Gallu rheoli eu hemosiynau’n well
Os oes gennych ddiddordeb yn ein Gwasanaeth Rhianta ond nad ydych yn gymwys yn Dechrau’n Deg, ewch i’n gwefan Rhianta Caerdydd.
Darganfod myw ar gwasanaethau rhianta.
Gofal plant rhan-amser o safon uchel wedi’i Ariannu’n Llawn i blant rhwng 2 a 3 oed.
Mae darparu gofal plant o ansawdd uchel i blant o 2-3 oed yn rhan ganolog o’r gwasanaethau i’w darparu o dan fenter Dechrau’n Deg. Darperir gofal plant mewn amrywiaeth o leoliadau ledled Caerdydd ac mae’r Tîm Cynghori ar Ofal Plant yn gweithio’n agos gyda’r holl leoliadau i gefnogi, datblygu a monitro arfer o ansawdd.
Iaith, Lleferydd a Chyfathrebu
Mae cefnogi datblygiad iaith a chyfathrebu plant yn nod graidd i brosiect Dechrau’n Deg.
Mae digon o dystiolaeth o bwysigrwydd targedu ac adnabod plant sy’n cael anawsterau mor gynnar â phosibl. Felly hefyd ymchwil i ddatblygiad yr ymennydd sydd wedi dangos bod tair blynedd gyntaf bywyd plentyn yn hanfodol i ddatblygiad sgiliau iaith a chyfathrebu da.
Mewn ardaloedd Dechrau’n Deg, caiff plant sydd o bosibl yn cael anawsterau gyda lleferydd ac/neu iaith eu nodi cyn gynted ag y bo modd er mwyn i’r tîm allu ddarparu’r cymorth mwyaf priodol mor gynnar â phosibl.
Ein partneriaid
Ewch i wefannau ein partneriaid am ragor o wybodaeth am y gwasanaethau ar gyfer Teuluoedd Caerdydd.
