Gofal Plant Dechrau’n Deg
Mae Dechrau’n Deg yn cynnig gofal plant rhan amser o ansawdd uchel i blant 2 i 3 oed. Mae hon yn agwedd bwysig ar y rhaglen gan ei bod yn helpu plant ifanc i ddysgu sut i chwarae gydag eraill a mwynhau amrywiaeth o brofiadau a all eu paratoi ar gyfer bywyd wrth iddynt dyfu, dysgu a datblygu. Mae ein lleoliadau Dechrau’n Deg yn cynnig amgylchedd cynnes a meithringar a fydd yn teimlo’n ddeniadol ac yn ddiogel i’r plant ifanc sy’n mynychu.
Pan fydd plant yn mynychu lleoliadau Blynyddoedd Cynnar o ansawdd uchel byddant yn dysgu llawer o sgiliau defnyddiol sy’n eu cefnogi trwy gydol eu blynyddoedd datblygu gyda chyfathrebu, llythrennedd a mathemateg a chymdeithasu. Byddant yn cael eu hamgylchynu gan oedolion gofalgar a chefnogol sy’n fedrus wrth ddeall pam mae’r blynyddoedd cynnar hyn mor bwysig.
Mae astudiaethau mawr fel EPPE (2004) ac EPPSE (2015) yn dangos bod plant sy’n cael gofal plant o ansawdd uchel yn gwneud yn well mewn sawl maes dysgu ac yn barod iawn i ffynnu yn y byd o’u cwmpas. Dyna pam mae Dechrau’n Deg yn gweithio’n galed i wneud yn siŵr bod yr holl ofal plant y gorau y gall fod.
Er mwyn helpu staff i wneud hyn, mae llawer o adnoddau a chymorth defnyddiol ar gael. Nod lleoliadau Dechrau’n Deg yw bod yn enghreifftiau gwych o sut olwg sydd ar ofal plant rhagorol ledled Cymru.
Tîm Cynghori Dechrau’n Deg
Mae ein tîm yn cynnwys Athrawon Cynghori a Swyddogion Cynghori. Ein rôl yw:
- Rhoi arweiniad arbenigol i leoliadau gofal plant i sicrhau bod addysg a gofal blynyddoedd cynnar o ansawdd uchel yn cael eu darparu
- Cefnogi ymarferwyr i fodloni anghenion datblygiadol pob plentyn, gyda ffocws ar ddulliau cynhwysol, sy’n canolbwyntio ar y plentyn
- Helpu lleoliadau i greu amgylcheddau croesawgar, diogel ac ysgogol i blant a theuluoedd ac arferion gorau wrth ddiogelu i bawb
- Hyrwyddo pwysigrwydd partneriaethau cryf gyda theuluoedd a chymunedau i wella profiadau a chanlyniadau plant
- Hyrwyddo llais y plentyn ac eirioli dros ei hawliau a’i anghenion o fewn y lleoliad