Tîm Datblygu’r Gweithlu a Chanolfan Achrededig (WFDAC) sy’n gyfrifol am ddarparu a rheoli hyfforddiant o ansawdd uchel, wedi’i werthuso, i gefnogi cenhadaeth Dechrau’n Deg: “Gweithio gyda’n gilydd i wella canlyniadau i blant ifanc.”
Mae WFDAC yn cyflwyno, yn darparu adnoddau ac yn rheoli rhaglenni hyfforddiant effeithiol ar gyfer y blynyddoedd cynnar a’r gweithlu gofal plant, ac ar gyfer staff sy’n gweithio o fewn y rhaglen. Mae’r Ganolfan Achrededig hefyd yn gallu cynnig gwasanaethau achredu ar gyfer rhai o’r hyfforddiant a gyflwynir o fewn rhaglen Dechrau’n Deg Caerdydd. Mae’r gwasanaeth hwn yn sicrhau ein bod yn cydymffurfio â gofynion y Cyngor a gofynion statudol. Nod WFDAC hefyd yw cyfleu negeseuon allweddol i gwsmeriaid, partneriaid ac rhanddeiliaid allweddol i gefnogi cyflawni gwelliant perfformiad yn unol â gofynion cyfreithiol ac yn unol â gofynion grant Llywodraeth Cymru.
Gellir rhannu’r hyfforddiant a gyflwynir yn 3 categori: Hyfforddiant Gofal Plant, Hyfforddiant Staff, a Chefnogaeth a Hyfforddiant i Rieni.
Hyfforddiant Gofal Plant
Mae WFDAC yn cynnig cyngor, arweiniad a hyfforddiant i’r sector gofal plant nad yw’n cael ei gynnal gan awdurdodau lleol. Mae’r holl hyfforddiant a gyflwynir yn cael ei fonitro a’i werthuso’n agos i sicrhau ei fod o ansawdd uchel ac yn bodloni neu’n rhagori ar ddisgwyliadau Arolygiaeth Gofal Cymru (AGC). Rydym yn gweithio gyda AGC i sicrhau bod yr hyfforddiant yn gysylltiedig â’r Safonau Isafswm Cenedlaethol sy’n ofynnol drwy arolygiadau ar gyfer darparwyr gofal plant cofrestredig.
Caiff ymgynghoriad blynyddol ar anghenion hyfforddiant ei gynnal gyda’r holl ddarparwyr gofal plant presennol yng Nghaerdydd i sicrhau ein bod yn gwrando ac yn ymateb i’w hanghenion. Yn dilyn canlyniadau’r ymgynghoriad, caiff rhaglen hyfforddiant flynyddol ei chynhyrchu gyda’r nod o gynnig cyrsiau hyfforddiant hygyrch. Cynhelir yr hyfforddiant yn bennaf gyda’r nos ac ar benwythnosau. Ers 2014/15, mae Datblygu’r Gweithlu wedi’i ariannu drwy’r rhaglen Dechrau’n Deg.
Mae’r hyfforddiant wedi’i anelu at y sector gofal plant nad yw’n cael ei gynnal yng Nghaerdydd, gan gynnwys lleoliadau gofal plant Dechrau’n Deg a lleoliadau nad ydynt yn rhan o Dechrau’n Deg. Rydym hefyd yn gallu cefnogi lleoliadau gofal plant sy’n cofrestru, gan gynnwys gwarchodwyr plant, gofal dydd llawn, grwpiau chwarae, cylchoedd meithrin a chlybiau ar ôl ysgol. Rhennir yr hyfforddiant yn 3 categori – hyfforddiant cyfreithiol a rheoleiddiol, datblygiad proffesiynol parhaus a chymwysterau cenedlaethol.
Hyfforddiant Staff
Mae WFDAC yn cynnig cynllunydd hyfforddiant blynyddol ar gyfer staff Dechrau’n Deg Caerdydd y gellir ei gyrchu gan bob aelod o staff sy’n gysylltiedig â’r rhaglen. Mae’r cynllunydd hyfforddiant ar gael ar ddechrau’r flwyddyn ariannol. Mae’n cynnwys cyfleoedd hyfforddiant i sicrhau bod staff yn gyfredol gyda Negeseuon Allweddol Craidd Dechrau’n Deg. Bydd y cynllunydd hefyd yn cynnwys cyfleoedd hyfforddiant pellach ar gyfer hyfforddiant penodol i dimau a gwasanaethau. Cychwynnir yr hyfforddiant pellach hwn gyda rheolwyr timau.
Mae’r holl staff o fewn rhaglen Dechrau’n Deg Caerdydd yn gallu cyrchu hyfforddiant drwy WFDAC. Mae’r hyfforddiant hwn yn darparu gwybodaeth am ddatblygiad proffesiynol parhaus yn ogystal â hyfforddiant penodol i wasanaethau.
Cefnogaeth a Hyfforddiant i Rieni – “Dychwelyd i Ddysgu”
Mae’r elfen rhianta o’r rhaglen Dechrau’n Deg yn cynnig hyfforddiant a chefnogaeth i rieni sy’n gymwys i gael mynediad at Dechrau’n Deg (gweler gwybodaeth am rianta). Mae WFDAC yn gallu cynnig hyfforddiant a chefnogaeth bellach i rieni i helpu i ddatblygu eu sgiliau sy’n gysylltiedig â chyfleoedd gwaith.
Mae’r rhaglen hyfforddiant wedi’i chynllunio i gefnogi bywyd teuluol a chyfleoedd gwaith, ac wedi’i llunio o amgylch canlyniadau Dadansoddiad Anghenion Hyfforddiant blynyddol a gwblheir gan rieni Dechrau’n Deg.
Mae Dychwelyd i Ddysgu yn cael ei ariannu gan y rhaglen Dechrau’n Deg. Mae’r rhieni sy’n gymwys i gael mynediad at y rhaglen yn gymwys i fynychu hyfforddiant a gyflwynir drwy’r rhaglen rhianta ac hefyd drwy hyfforddiant sy’n gysylltiedig â dychwelyd i ddysgu.
Cysylltu:
Hyfforddiant Gofal Plant a Staff: workforcedevelopment@cardiff.gov.uk
Hyfforddiant Rieni Dychwelyd i Ddysgu: returningtolearning@cardiff.gov.uk