Un o nodau craidd project Dechrau’n Deg yw cefnogi datblygiad iaith a chyfathrebu plant.
Mae llawer o dystiolaeth fod targedu a nodi plant sy’n cael anawsterau mor gynnar â phosibl yn bwysig iawn. Yn ogystal ag ymchwil i ddatblygiad yr ymennydd, sydd wedi dangos bod tair blynedd gyntaf bywyd plentyn yn hanfodol i ddatblygu sgiliau iaith a chyfathrebu da.
Yn ardaloedd Dechrau’n Deg caiff plant a allai fod yn cael anawsterau lleferydd a/neu iaith eu nodi mor fuan â phosibl er mwyn i’r tîm allu rhoi’r cymorth mwyaf priodol mor fuan â phosibl.
Beth yw gwaith y Tîm Lleferydd ac Iaith?
Rhoi cymorth cyfathrebu cyffredinol i bob plentyn.
Sicrhau bod aelodau eraill o dîm Dechrau’n Deg yn gallu nodi a chefnogi anawsterau lleferydd, iaith a chyfathrebu plant.
Rhoi strategaethau penodol ac ymarferol i rieni/gofalwyr i ddatblygu iaith plant drwy chwarae.
Rhoi hyfforddiant a chymorth i ddarparwyr gofal plant i’w helpu i nodi pryderon ynghylch lleferydd ac iaith ac i ddatblygu eu sgiliau gan ddefnyddio strategaethau penodol ac ymarferol i greu amgylchedd dysgu iaith.
Datblygu gwasanaeth a fydd yn darparu rhaglen unigol a arweinir gan anghenion i blant y mae pryderon iaith, lleferydd neu gyfathrebu amdanynt.
